EL SIÑAL DE LA DISCORDIA

Oscar Lerín Gabás

(06/04/2009)  Aragón país d'espanyols, ixo ya el sabem. Pero i hai cosas que no s'entienden ni an aquí,en Aragón. I hai mutos exemplos de menosprecio a lo aragones que asobén fan las institucions de Aragón (tanto municipals como las nacionals), pero hue me voi a centrar en una, que ye la colocación d'un sinyal granizo d'Espanya en la plaza d'Aragón.

Zaragoza tiene un espacio publico como ye la plaza d'Aragón an se fa homenache a este viello pais, y dende fa más d'un siglo este espacio publico ye presidiu per la estatua del Chusticia d'Aragón (una institución que ye simbolo de la defensa del dreto debán del totalitarismo, que ye un simbolo de soberanía aragonesa…). Un d'es pocos espacios publicos que tiene el aragonesismo politico en la capital, y que en ye dende fa más d'un siglo.

La plaza d'Aragón yera presidida per el Chusticia d'Aragón que dende el suyo pedestal alufra pasiar a es aragoneses, y con la man estendida fa un gesto de protecher a es aragoneses de l'abuso de l'estau. Pos bueno agora ye el sinyal d'Espanya el que la preside ixa plaza, un siñal d'Espanya d'una grandaria que espanta, y el Chusticia a pasau ta un segundo plano. Dende el punto de vista independentista que metan un siñal d'Espanya en cualquier puesto d'aragon pos no fa mica ilusión.. Ni mica ni brenca. Pero bueno no te pilla per sorpresa, ya sabem que Aragón ye tierra fértil ta lo espanyol, y que es aragoneses nacionalistas sem una rareza, y a la fin te fas a vivir entre espanyols.

Pero el que no ye normal, el que no s'entiende dende un punto de vista d'un aragonés común ye el feto de que hayan metiu ixe sinyal tan granizo en la plaza que adedica Zaragoza a Aragón, al canto de la estatua a Lanuza (decapitau per defender es fueros ), amás d'estar una afrenta historica, y de denguneyar el sinyal aragonés, que al canto d'ixe sinyalizo pareix un sinyal quitau de bela manifestación d'es pitufos, no tien mica sentiu ya que al costau de la plaza d'Aragón ye la plaza d'Espanya, y tamien el paseu de la Constitución con el monumento a las vitimas del Yak 42, que serían un puesto millor ta meter el sinyal d'Espanya (parlo dende un punto de vista que se puede defender dende un aragonés comun). Dito d'un atra traza si la plaza d'Aragón ye adedicada a Aragón que sentiu tiene que la presida el sinyal d'Espanya, que sia Espanya la protagonista?. Mica sentiu le veigo, salvo que sia ta tocar es collons una miqueta, que m'entrefilo per astí va la cosa.

QUEREM QUE LA PLAZA D'ARAGON TORNE A HOMENACHEAR AL NUESTRO PAÍS

Comentarios: 1